رانيا فريد شوقي تكشف تفاصيل تعرض ابنتها لمحاولة اختطاف

كتبت- منى الموجي:
شاركت الفنانة رانيا فريد شوقي، جمهور صفحتها الشخصية على موقع “فيسبوك”، تفاصيل تعرض ابنتها لمحاولة اختطاف منذ قليل.
وكتبت رانيا “بنتي كلمتني قالتلي كنت هتخطف دلوقتي لأنها طلبت خدمة نقل الركاب عن طريق تطبيق عبر الهاتف الذكي، وبعتلها انه مستنيها بره وعشان تعرف مكانه كلمت السواق قالها ده مش أنا ده حد سارق الأكونت بتاعي”.
وتابعت “الحمدلله ربنا ستر من فضلكم فهموا أولادكم يكلموا السواق الأول، ويتأكدوا من رقم العربية وماركتها قبل ما يركبوا أي عربية، ويبعتولكم صورة من بيانات السواق اللي هما معاه ويركزوا مع السواق في الطريق اللي هما ماشين فيه عشان يتأكدوا انه ماشي صح.. اللهم حفظ أولادنا واحميهم وابعد عنهم كل شر”.
يُذكر أن الفنانة رانيا فريد شوقي تترأس ملتقى رائدات السينما المصرية، الذي انطلقت فعالياته أول أمس، وشهد تكريم نجمات السينما “ماجدة، شادية، مديحة يسري، نادية لطفي”، واسم الفنانة والمنتجة الراحلة ماري كويني، ومن المقرر أن تُختتم فعالياته في 15 سبتمبر الجاري.